23/05/2007 10:10 O departamento de Cultura do Concello de Arzúa inaugura o programa que levará por nome Coñece o teu país cunha visita ao xardín botánico de Lourizán (Pontevedra) o día 30 de xuño.
Esta viaxe, que se enmarca ao mesmo tempo nos actos de celebración do mes do medio ambiente, será a primeira dunha serie de desprazamentos que o concello ten previsto programar para os meses estivais. A boa acollida que tiveron as viaxes que o departamento de Cultura organizou no verán pasado animou aos seus responsables a por en marcha o programa Coñece o teu país, cuxo primeiro destino será o Concello de Pontevedra.
Alí, os arzuáns que o desexen, poderán realizar unha visita guiada de dúas horas polo xardín botánico do Centro de Investigacións Forestais de Lourizán, de indubidable valor científico, pedagóxico, estético e sociolóxico. Xa para a tarde, e despois de xantar, está programada unha visita a Combarro (Poio), un dos pobos mariñeiros de maior interese turístico das rías Baixas.
Todos aqueles que desexen apuntarse a esta viaxe poden facelo ata o 27 de xuño no departamento de Cultura do Concello de Arzúa, ben en persoa ben chamando ao teléfono 981 500 000 (extensión 22) entre as 9:00 e as 15:00 horas. Cubriranse por orde de inscrición as 55 prazas que hai dispoñibles.
O itinerario previsto para esta viaxe é o seguinte: