Arzúa cidadán

Conmemoración do día internacional da muller

Cruz Vermella ten un compromiso coa igualdade de xénero e cos dereitos das mulleres, que historicamente viñeron sufrindo diferentes xeitos de discriminación.

Con motivo do 8 de marzo, Día Internacional das Mulleres, a institución pon en marcha unha campaña que se difunde por todo o territorio nacional. Con esta proposta preténdese facer fincapé na importancia da sensibilización encamiñada a loitar pola eliminación de estereotipos así como o fomento da igualdade de xénero. 

Por este motivo en diferentes puntos da provincia da Coruña, realizaranse actividades que teñen como finalidade manifestar o noso compromiso coa defensa dos dereitos da muller. En concreto aquí en Arzúa, procederase a distribución por distintos puntos da vila de material que lembra a conmemoración deste día.