Arzúa cidadán

AMARAI

AMARAI é unha entidade que carece expresamente de ánimo de lucro, constituída por un grupo de persoas con discapacidade e familiares destas persoas que no ano 1997 se xuntaron para crear unha asociación que loita pola defensa deste colectivo nas comarcas de Arzúa e Terra de Melide. A nosa labor e xestionar programas e proxectos enfocados á participación do colectivo de persoas con discapacidade a través da formación profesional e ocupacional, cun servizo de información e asesoramento, cun servizo de intermediación laboral, rehabilitación, inserción laboral, voluntariado, loita contra as barreiras, ocio e tempo de lecer e un longo etc., que permitan a plena integración e unha mellora na calidade de vida das persoas con algún tipo de discapacidade.

A nosa entidade basea os seus principios e valores nos seguintes puntos básicos:

• democracia interna.
• solidariedade entre os seus membros.
• transparencia na xestión e na actuación da entidade e dos seus socios.
• defensa das necesidades sociais por enriba de intereses particulares.
• desbotar protagonismos e actitudes competitivas.
• defensa do colectivo como titulares de dereitos evitando as mensaxes sentimentalistas e asistenciais.