Arzúa cidadán

Asemblea Local Cruz Vermella Arzúa

Desde a súa creación no ano 1870, a Cruz Vermella leva máis de 130 anos presente en case todos os acontecementos da vida galega. En tempos de guerra e de paz, os mesmos nas praias, nas estradas, rescatando accidentados, atendendo nenos e maiores, ou socorrendo en calquera catástrofe terrestre ou marítima, milleiros de galegos e galegas colaboraron coa nosa institución para conseguir un mundo máis solidario e xusto.

Hoxe contamos con 10.000 voluntarios e 30.000 socios, que sosteñen co seu esforzo, persoal e económico, a presencia diaria de Cruz Vermella en 50 localidades de Galicia. En concreto na nosa asemblea de Arzua somos aproximadamente uns 100 socios e 15 voluntarios.

Traballamos en campos nos que temos décadas de experiencia: intervención en emerxencias, formación en primeiros auxilios, axuda a domicilio, salvamento marítimo, actividades lúdicas para nenos e mozos; pero tamén estamos desenvolvendo as nosas actividades noutros campos, segundo o que a sociedade nos demanda: intervención en prisións, fogares de acollida, educación para a saúde, transporte adaptado, emprego... e un largo etcétera que poderedes comprobar na nosa web...

A Cruz Vermella é unha institución democrática, que celebra cada catro anos eleccións nas que teñen dereito a voto todos os voluntarios e socios subscritores con máis dun ano de antigüidade.

O órgano de goberno na Cruz Vermella Española en Galicia é o Comité Autonómico de Galicia, que ten como presidenta a Dona María del Carmen Colmeiro Rojo. Aquí na asemblea local de Arzúa o noso presidente e Don Manuel Saavedra Robledo.


Máis información Cruz Roja Española