O blog de Santi

Unha das maiores enciclopedias que existen no mundo (aínda que ata o de agora só estaba na rede), a Wikipedia, vai comercializarse nun CD que conterá preto de 2.000 artigos. Polo de agora, só será posible adquirila en inglés.

O produto, que polo de agora só se comercializará en inglés, uncluirá un buscador que permita dar de xeito doado coa información desexada. Un dos problemas de "empaquetar" a Wikipedia é que quedan deste xeito anuladas as opcións de actualización. Por ese motivo, incluíronse no CD artigos que non varíen moito ao longo do tempo, especialmente sobre temas como a xeografía ou a literatura.

Se queredes mercala (a un prezo de 14 dólares) podedes atopar máis información nesta web. E eu pregúntome, veremos tamén algún día a Galipedia en CD??

Hoxe comezo a miña andaina nisto dos blogs, a ver como vai a cousa. A verdade é que no meu tempo libre sempre ando fedellando nos ordenadores, así que en grande medida será do que fale neste espazo que pon a nosa disposición o portal.

Agardo que todos os da tropa colaboredes cos vosos comentarios para saber o que opinades do que escriba por aquí. Saudiños a todos e benvidos ao meu blog.