A nosa historia

A teoría anti-científica da Reconquista, hoxe en día, está desmontada pola ciencia histórica. Esta invención é creada a partires do século XIX, polos seudo-historiadores españois (sobre todo Modesto Lafuente en 1850).

  Mariana e Flórez eclesiásticos ambos, historiadores dos século XVII e XVIII, non utilizan nunca o concepto de Reconquista nas súas historias de España, consideraban as monarquías musulmáns parte desa España historiada.            Pero hai máis, xa Vicceto e Murguía no s. XIX, caen na conta de que non existe o chamado reino de Asturias. As crónicas da época fálannos do Reino de Galicia, a invención dos reinos de Asturias e León están basados en documentos rexios, moitos falsificados, onde os reis asinan coma reis en Oviedo ou León, sendo normal dende a antigüidade asinar na capital do reino ou imperio.Os emperadores e reis asinan como tales en Roma, Oviedo ou León, mais, toda a humanidade e as crónicas da época son conscientes de que se fala dun Imperio Romano e dun Reino e Imperio de Galicia.As crónicas son ben explícitas:

•  O rey Alfonso VI segundo as crónicas anglo-normandas de Guillermo de Malmesbury era denominado como: Aldefonso Gallicae Regie.
•  A raíña Urraca era descrita como Totius Gallaetia Domina.
•  A Alfonso III, as cronicas árabes coma as galegas e as asturianas chámanlle; Rei de Gallaecia, só din que descendia de Pelayo... non que fora o rei de Asturias.
•  O rei Vermudo é: "Vermudus imperator domus in Gallaecia" segundo os navarros.

Os cronistas musulmáns, déixannos claro que cando falan de Hispania, están falándo da zona musulmán, eles chaman Al-Ándalus á península Ibérica. Al-Maccari, nos di que aos musulmáns non lles quedou un lugar sen dominar no Al-Ándalus, se exceptuamos o país de Galicia.Os gobernantes musulmáns considéranse continuadores do reino visigodo; o Chronicon Moissiacense chámalle ao emir Abderramán (ano 732); Rex Spaniae.(Nota: Ver tamén, neste blog, Galicia e Arzúa nos mapas antigos).            Serán os Reis Católicos (s. XV) os que liquidarán politicamente o Reino de Galicia (con eles xa se pode falar da Coroa de Castela que integra os reinos peninsulares entre estes; Galicia) a dirección política do Reino cae nas mans dunha oligarquía señorial castelán-andaluza. Dende aquí o Reino de Galicia languidece, o cumio político, clero e nobreza (fidalguía) controlarán a Xunta do Reino de Galicia, creada en 1528. Este organismo constituíu a expresión política de Galicia ata 1833, mais carecía de auténtico poder e nin sequera tiña capacidade de deliberación, limitado tan só a unha función de petición.            BIBLIOGRAFÍA:

• LÓPEZ CARREIRA, A. O reino medieval de Galicia, Ed. A Nosa Terra. Vigo, 2005.
• NOGUEIRA ROMÁN, C. A memoria de Nación, Ed. Xerais. Vigo,2001.

Ata sempre e bo proveito.Anunciamos a próxima estrea do traballo de investigación: A conquista Romana na Comarca de Arzúa