Na Galipedia, a wikipedia en galego.

Esta parroquia do Concello de Arzúa conta cunha poboación, segundo o censo do 2006, de 159 habitantes, dos que 82 son homes e 77 son mulleres. Segundo o Nomenclátor Oficial da Xunta de Galicia son 9 os lugares de A Castañeda (Santa María).

Ademais da igrexa parroquial de Santa María de Castañeda do século XVIII, a parroquia conta con dous interesantes pazos: o pazo de Pumar, unha construción de estilo barroco, e o pazo de Sedor, do século XVII e fundado por Francisco González do Vilar, Colexial de Fonseca, Avogado da Real Audiencia do Reino de Galicia e Fiscal de Guerra de mesmo Reino.

A Castañeda conta ademais con numerosas mostras de arquitectura popular. O seu territorio está sementado de horreos (como o hórreo de Casa Milia ou o hórreo de Pumar), de fontes (como a fonte-lavadoiro de Doroña ou a fonte Pormás), de muíños (caso do muíño de Condés ou do muíño dos Saavedra ou do Pumar) ou de pombais (como o pombal de Pumar).