Na Galipedia, a wikipedia en galego.

O devir histórico de Arzúa está ligado á Ruta Xacobea, mesmo no que se refire ao propio desenvolvemento da súa vila, que se produciu no século XI ao abeiro deste camiño de peregrinación. Con todo, os restos arqueolóxicos achados demostran que o poboamento destas terras é moi anterior, tal e como testemuñan por exemplo os vestixios do castro Curbín (Santa María de Arzúa), datado a finais da idade do bronce.